لوک گیت

تعارف

لوک گیت لوکاں دیاں سچیاں چاواں تے ریجاں بارے دسدے نیں۔ پنجاب دے لوک گیتاں وچ پنجاب دا پورا روپ اگھڑ کے سامنے آوندا اے۔ ایہہ لوک گیت علاقے دے وچ بولیاں جان والیاں بولیاں وچ گائے جاندے نیں۔

لوک گیتاں دا پچھوکڑ/ تریخ

پنجابی لوک گیت دا مڈھ وی اوناں ای پرانا اے، جناں ماں بولی دا۔ جد ماں نے پئلی فیری اپنے لال نوں لوری سنائی ہونی اے تے ایہ ہی لوک گیتاں دی مڈھ اے۔ ہڑپا، موہن جو ڈیرو تو ٹیکسلا دیاں ہزاراں ورھے پرانیاں تہذیباں وچوں لوک گیتاں دے آثار وی ملدے نیں۔ اوہ لوک علم، ادب تے سنگیت دی ٹیسی اتے پجے ہوئے سن۔

لوک گیت دا موضوعاتی کھلار

لوک گیت جمن توں لے کے مرن تائیں ہر موضوع تے لب دے نیں۔

لکھاری

ایہناں گیتاں دا کوئی لکھاری نہیں ہندا، ایہہ گیت وَرھیاں توں لوکاں دے دلاں وچ محفوظ ہندے ہےتے آن والیاں نَسلاں ایہناں وچ ضرورتاں مطابق تبدیلیاں کردیاں ریہندیاں ہن۔

لوک گیت دیاں صنفاں

لوریاں، ماہیا، بولیاں، ڈھولے، جگنی، جھوک، شادی ویاہ دے گیت، چھلا، تھال تے ککلی پنجاب دے سر کڈھویں لوک گیت نیں۔

لوری

اَلّڑ بَلّڑ   باوے  دا      باوا   کَنک   لِیاوے گا  

باوی  بِہ  کے چَھٹے گی     ماں پُونیاں وَٹّے گی

باوی مَن پکاوے گی          باوا بیٹھا کھاوے  گا       

کاکا کِھڑ کِھڑ ہسّے گا

ویاہ دے گیت

بابل ساڈا چڑیاں دا چمبا وے،

بابل اساں اڈ وے جانا

ساڈی لمی اڈاری وے،

بابل کہڑے دیس جانا

ماہیے

جگنی

ایہہ مزاحیہ لوک گیتاں وچ آوندا اے۔

بھنگڑا

اِہ جوانی چار دیہاڑے جاندی کسے نہ ڈٹھی 

اُوہ گئی جوانی۔۔۔۔۔۔۔۔۔۔۔۔ گئی۔۔۔۔۔۔۔۔۔ اُوہ گئی

مہندی

مہندی لاون آیاں تینوں بھیٔ٘ناں تے بھرجائیاں

کُجھ چاچیاں تایاں کُجھ اَپنیاں تے پَرایاں

تینوں مہندی لاون آیاں

چھلا

چَھلا مَہاڑا کس گھڑیا 

مَہاڑی انگلی کریندی پیڑ

ککلی

ککلی کلیر دی نی ککلی کلیر دی

چھلاں پئی ماردی جوانی جٹی ہیر دی

ککلی کلیر دی نی ککلی کلیر دی

چڑھدی جوانی نال چڑھ گیا بھا (قیمت) نی

نویں نویں جوبناں دے نویں نویں چا نی

جندڑی نہ رول دیویں کسے دلگیر دی

ککلی کلیر دی نی ککلی کلیر دی

کِکلی   کلیر   دی      پَگ میرے وِیر دی 

دوپٹہ میرے بھائی دا        پِھٹّے  مُن٘ھ   جوائی  دا

ککلی کلیر دی

پینٹ میرے ویر دی

شرٹ بھا بشیر دی

تے ٹائی چاچے نزیر دی

کوٹ وڈے بھائی دا

لنڈے توں لیائی دا

فٹ شٹ کرا کے 

دھوبی توں توائی دا

سینٹ شینٹ لائی دا

شوق نال پائی دا

بس دو سو روپے وچ

بابو بن جائی دا

فٹے موں مہنگائی دا

بھٹو دے جوائی دا۔

بولیاں

امب کولے املی،انار کولے دانہ،

عقل ہووے وے،بھاوے رنگ ہووے کالا

اماں نی اماں،

اے کہ کیتا نی اماں،

دھی مدھری جوائی تیرا لماں نی اماں،

دھی مدھری ………،

باہریں برسیں کھٹّن گیا تے کھٹ کے لیایا فیتہ

نی عشقے نے ڈنگ ماریا کُڑی سَپ دا بہانہ کیتا

نیلی  گھوڑی   وے   وکیلا   تیری 

جے  پہلی  پیشی  یار  چھُٹ  جائے

لوک گیتاں وچ اسلامی رنگ۔